Kunis Flood Relief Fund 2023

اس کے بعد مظفر علی آخوند ایڈووکیٹ نے اپنا اور فلاحی تنظیم کھر، سرموں (رجسٹرڈ) کا تعارف پیش کیا ساتھ ہی ساتھ تنظیم ھذا کے اغراض و مقاصد، کارکردگی رپورٹ، فیوچر پلان کے بارے میں بھی حاضرین کو آگاہ کیا۔ انھوں نے کہا کہ FTK قومیت، مذہب، لسانیت، رنگ نسل، ذات پات، سیاست، حسب و نسب سے بالا تر ہو کر صرف اور صرف فلاح انسانیت کے لیے ہمہ وقت تیار رہتے ہیں۔ انھوں نے اپنے خطاب میں کہا کہ ہماری خوش قسمتی کہ تنظیم کے لئے درد رکھنے والے صاحب ثروت اور ڈونرز حضرات کثیر تعداد میں امریکہ میں مقیم ہیں یہی وجہ ہے کہ یہ تنظیم ان کی مرہون منت سے ڈسٹرکٹ گانچھے میں اپنا لوہا منوا چکی ہے۔ اس تنظیم نے قلیل وقت میں بے پناہ کامیابیاں حاصل کی ہیں اور مسلسل ترقی کے منازل طے کر رہی ہے۔ انھوں نے کہا کہ اس کا صدر مقام محلہ کھر، ڈاکخانہ سرموں ضلع گنگچھے میں موجود ہے باقی اسلام آباد، لاہور، کراچی،سعودی عرب اور امریکہ میں فعال برانچیں موجود ہیں۔ اس کے بعد پراجیکٹ کے کوارڈنیٹر مظفر علی آخوند ایڈووکیٹ نے 32 مستحق گھرانوں میں لاکھوں روپے کے امدادی کیش تقسیم کرنے کے لیے باری باری لوگوں کو بلایا اور مہمان خصوصی محمد اسحاق صاحب کے دست مبارک سے امدادی کیش تقسیم کیا گیا۔ امدادی کیش کی تقسیم کے فورا بعد مہمان خصوصی محمد اسحاق صاحب کو دعوت خطاب دیا۔ انھوں نے اپنے خطاب میں FTK کھر کے منتظمین، ڈونر علی موسی خان صاحب کا شکریہ ادا کیا اور کہا کہ یقینا FTK کھر اور ڈونرز حضرات خراج تحسین کے مستحق ہیں۔ ساتھ ہی ساتھ انھوں نے امید ظاہر کی کہ ڈونر علی موسی خان صاحب مستقبل میں بھی فلاح انسانیت کی خدمت کے لیے پیش پیش رہیں گے۔ آخر میں ماسٹر عبدالعزیز صاحب نے کونیس کے متاثرین کی نمائندگی کرتے ہوئے ڈونر علی موسی خان اور فلاحی تنظیم کھر کے منتظمین و نمائندوں کا بے حد شکریہ ادا کیا اور ان کے حق میں خصوصی دعا کی۔ یوں یہ تقریب دعائے کلمات کے ساتھ اپنے اختتام کو پہنچا۔